1.
Dulce cum sodalibus, sapit vinum bonum.
Osculari virgines, dulcius est donum;
Donum est dulcissimum, Lyra seu Maronum;
Si his tribus gaudeam, sperno regis thronum.

2.
In me Bacchus excitat Veneris amorem;
Venus mox poeticum, Phoebi dat furorem;
Immortalem Phoebus dux, comparat honorem;
Vae mihi! si tribus his infidelis forem!

3.
Si tyrannus jubeat: “Vinum dato!” Darem.
“Non amato virgines!” aegre non amarem.
“Frange lyram, abjice!” pertinax negarem!
“Lyram da, seu morere!” cantans exspirarem!